Wahi To Dil Me Basta Hai !!!

Jo Saath Chalta hai Wo Raasta Bataata Hai
Par Jo Haanth Na Aaye wahi To Manzil Batlaata hai
Jo Muskurata hai Wo Pass Hota Hai
Par Jo Ruth Jaaye Wahi To Dil Me Basta Hai !!!

Jo Jeet Jata Hai Wo Kaamyaab Hota Hai
Par Jo Haar Jaaye Wahi To Raasta Samjhta Hai
Jo Saath Chal Saka Wo To Humsafar Hota Hai
Par Jo Thukra Ke Badh Gaya Wahi To Dil Me Basta Hai !!!

Jo Baatein Banata Hai Wo Bas Chahta Hai
Par Jo Aankhon Se Kahta Hai Wahi To Pyar Karta Hai
Jo Duniya Me Akela Hai Wo Talaash Karta Hai
Par Jiski Talaash Karta Hai Wahi To Dil Me Basta Hai !!!

Jo Mil Jaata Hai Wo Mukkadar Hota Hai
Par Jo Nahi Mayassar Wahi To Khwaab Hota Hai
Jo Khwaab Mil Jaaye Wo To Itihaash Hota Hai
Par Jo Khwaab Rah Jaaye Wahi To Dil Me Basta Hai !!!

Zindagi, Tu Mujhe Kabhi Apna Maan le ...

Zindagi, Tu Mujhe Kabhi Apna Maan le ...

Khwahishein Tu Bata, Khwaab Saja Le ...

Aarzoo me hai Shaamil, Tu Aadton Ki Tarah ..

Aadton me tu bas Ja, Mohabbat ki Tarah ...

Aarzoo Karti Ho , Shikayat Ki Tarah ...

Shikayat Karo Na Mujhse, Mohabbat KI Tarah ...

Zindagi, Tu Mujhe Kabhi Apna Maan le ...

Khwahishein Tu Bata, Khwaab Saja Le .....

Jubaan Pe Bas Naam Tera, Shikayat Karoon Main Kisse..

Dil Me Base Ho Tum Hi, Shikayat Karoon Main Kiski ...

Aankhon Me Base Ho Tum Hi, Khilafat Karoon Main Kisse ...

Khwaabon Me Bhi Tum Ho, Mohabbat Karoon Main Kisse ...

Zindagi, Tu Mujhe Kabhi Apna Maan le ...

Khwahishein Tu Bata, Khwaab Saja Le .....

Meri Aawaaz Me Ho Shamil, Andaaz Ki Tarah ...

Meri Andaaz Me Tu Basti, Khwahishon Ki Tarah ...

Khwahish Karo Tum Mujhse, Mohabbat Ki Tarah ...

Mohabbat Karo Na Mujhse, Mohabbat Ki Tarah ...

Zindagi, Tu Mujhe Kabhi Apna Maan le ...

Khwahishein Tu Bata, Khwaab Saja Le .....

Dil Me Bas Naam Tera, Ibaadat Karoon Main Kiski...

Ishaaron Me Tum Hi Ho, Hifazat Karoon Main Kiski...

Aankhon Me Noor Tera, Khwahish Karoon Main Kiski ...

Khwahishon Me Tum Hi Ho, Mohabbat Karoon Main Kisse ...

Zindagi, Tu Mujhe Kabhi Apna Maan le ...

Khwahishein Tu Bata, Khwaab Saja Le .....

Ae Khuda Dekh ....

Ae Khuda Tu Apne Banaye Insaanon Ke

Jhoothe Khwaabon Ki Sachchaaii Ko Dekh ....

Ae Khuda Dekh ....

Tu Dekh Apni In Aulaadon Ko

Jinko Hai Sachche Pyaar Ki Talaaash Alfaazon Me

Jinko Hai Sach Chhupaane Ka Shauk Har Baaton Me

Tu Inke Pyaar Ki Sachchaaii Ko Dekh ....

Ae Khuda Dekh ....

Kaise Kah Jaate Hain Har Baat Me Jhooth

Kaise Ho Jaatein Hain Ye Bin Baat Rooth

Pal Bhar Me Kaise Bhol Jatein Apni Shikayaaton Ko Dekh

Tu In Ishq Ke Farishton Ki Harkaton Ko Dekh ....

Ae Khuda Dekh ....

Ye Apne Sanam Ki Aankhon Tak Ko Nahi Padh Paate

Apne Jhooth Ki Buniyaadon Pe Ye Manjilein Khadi Kar Paate

Rakh Kar Bhi Ye Saalon Ka Saath Kyun Ye Ajnabi Rah Jaate

Tu In Ajab Musafiron Ke Safar Ko To Dekh ....

Ae Khuda Dekh ....

Kyun Sach Talaaste Hain Ye Jab Jhooth Se Hi Ye Jii Paate

Kaise Saath Nibhaate Hain Ye Jab Ek Dusre Ke Isaare Bhi Na Samajh Paate

Kyun Muskurate Hain Ye Jab Ye Apne Khwaabon Ko Bhi Jhooth Se Sajaate

Tu In Insaanon Ke Jhoothe Khwaabon Ki Sachchaaii Ko Dekh ....

Tu In Insaanon Ke Jhoothe Khwaabon Ki Sachchaaii Ko Dekh ....

Ae Khuda Dekh ....

Mujhko Ye Samjhana Tum

Kya Hoti Pyar Ki Paribhasha
Kya Hoti Dosti Ki Maryada
Kya Hoti Jeene Ki Aas
Kya Hoti Mrityu Ki Pyaash
Mujhko Ye Samjhaana Tum...
Lafzon Me Kah Jana Tum, Aankon Se Batlana Tum

Kya Hoti Sapnon Ki Raunak

Kya Hote Hain Din Ke Khwaab

Kyun Hoti Udane Ki Chahat

Kyun Hota Khone Ka Darr

Mujhko Ye Samjhana Tum

Aankon Se Batlaana Tum , Isaaron Se Kah Jana Tum

Kyun Hoti Manzilein Jaruri

Kyun Hoti Khushiyaan Adhuri

Kya Hota Jeene Ka Gham

Kya Hoti Marne Ki Khushi

Mujhko Ye Samjhaana Tum...

Isaaron Se Kah Jana Tum, Mere Khwaabon Me Likh Jana Tum

Kaise Hote Hain Dil Ke Raaz

Kaisi Lagti Hai Dil Ki Aag

Kaisa Lagta Kisi Ke Dil Me Samana

Kaisa Lagta Kisi Ke Khawaabon Me Aana

Mujhko Ye Samjhaana Tum...

Khaawon Me Likh Jana Tum, Par Mujhko Ye Samjhaana Tum

Jo Hota Main Khuda ....

Jo Hota Main Khuda 

To Main Tujhe Maaf Kar Deta

Mujhe Mile Aashoonon Ke Badle Bhi

Main Tujhe Muskurahat Deta

Kar Deta Teri Har Khawahish Puri

Tere Khwaabon Tak Ko Sajaa Deta

Hain Tere Aashoon Moti Se Bhi Anmol

Ye Main Tujhe Bhi Jata Deta

Jo Hota Main Khuda

To Main Tujhe Ye Bata Deta....

Bhar Deta Teri Zindagi Me Main

Tere Hi Khwaabon Ke Rang

Likh Deta Teri Raatein

Teri Hi Khwaahishon Ke Sang

Sitaare Bhi Kiya Karte Teri Baatein

Tere Hi sang

Na De Sakoon Tujhe Aur Gham

Iske Liye Apna Hi Naam-O-Nishaan Mita Deta

Jo Hota Main Khuda

To Main Tujhe Ye Bata Deta....

Mil Na Paayein Hum Zindagi Ke Kisi Mod Pe

Main Tujhe Ye Taufa Deta 

Rakhta Tujhe Apne Khyaalon Me

Par Tera Naam Na Jubaan Se Leta

Bhar Deta Main Teri Har Raat Me

Chandani Ke Ujiyaare

Tujhe Lag Na Paati Kisi Ki Nazar 

Main Tujhe Apni Nazar Bhi Na Lagne Deta 

Jo Hota Main Khuda

To Main Tujhe Ye Bata Deta....